Fóram faoi Phátrúnacht agus Iolrachas san Earnáil Bhunscoile

Nuacht is Déanaí

• 01 Iúil, 2014 - An Fóram um Pátrúnacht agus Iolrachas san Earnáil Bhunscoile - Dul Chun Cinn go Nuige Seo agus Treoracha don Todhchaí
• 23 Meán Fómhair, 2013 - Comhairliúchán poiblí faoin uileghabhálacht i mbunscoileanna á lainseáil ag an Aire Quinn
• 23 Meán Fómhair, 2013 - Cuireadh Chun Aighneachtaí a Dhéanamh faoi Mholtaí An Ghrúpa Chomhairligh ag an Bhfóram Faoi Phátúnacht agus Iolrachas san Earnáil Bhunscoile
• 02 Aibreán, 2013 - Fógra á chur amach ag an Aire Oideachais agus Scileanna go ndéanfar athrú ar phátrúnacht bunscoileanna áirithe i 23 cinn de bhailte
• 11 Iúil, 2012 - Iarraidh ar Léiriú Spéise i dtaca le Pátrúnacht Bunscoileanna i 44 Ceantar Aitheanta - Dúnta 27 Iúil, 2012.
• 20 Meitheamh 2012 Leagann an tAire Quinn plean gniomhaíochta amach mar fhreagairt ar thuarascáil an Ghrúpa Chomairligh don Fhóram ar Phátrúnacht
• 10 Aibreán 2012, d’fhoilsigh an tAire Oideachais agus Scileanna, Ruairí Quinn T.D.,tuarascáil an Ghrúpa Chomhairligh don Fhóram ar Phátrúnacht agus ar Iolrachas san Earnáil Bhunscoilen

I mí an Mhárta 2011, d’fhógair an tAire Quinn bunú an Fhóraim ar Phátrúnacht agus ar Iolrachas san Earnáil Bhunscoile. Cheap an tAire Grúpa Comhairleach chun na tuairimí agus na dearcthaí éagsúla arna gcur isteach a fháil agus a mheas, lena n-áirítear na tuairimí agus na dearcthaí siúd ó thuismitheoirí, ó phátrúin, ó mhúinteoirí agus ón bpobal níos leithne. Cuireadh de chúram ar an nGrúpa comhairle maidir le beartas a thabhairt don Aire laistigh de Théarmaí Tagartha an Fhóraim

Thug an Grúpa Comhairleach faoi roinnt cruinnithe poiblí agus d’iarr sé aighneachtaí ó na príomhghrúpaí leasmhara agus ón bpobal mar chuid dá obair. Fuarthas 215 aighneacht scríofa agus rinne an Grúpa Comhairleach scrúdú orthu. Tionóladh seisiúin oibre phoiblí leis na príomhghrúpaí leasmhara ar an 22, ar an 23 agus ar an 24 Meitheamh 2011 agus tionóladh seisiún iomlánach eile ar an 17 Samhain 2011.

Fuarthas 32 aighneacht eile tar éis an tseisiúin i mí na Samhna. Craoladh na seisiúin oibre seo go beo ar an Idirlíon agus tá taifeadtaí na seisiún oibre ar fáil ón suíomh gréasáin seo. Chomh maith leis sin, thionóil an Grúpa Comhairleach seisiúin chomhairliúcháin le daltaí bunscoile agus meánscoile chun a áirithiú go measfaí a dtuairimí mar chuid de phlé an Ghrúpa.